Upang matiyak ang paghahatid ng Newsletter ng Google Earth, pakidagdag ang "genewsletter@google.com" sa iyong address book.
Handa ka na ba? Panoorin ang mga video sa ibaba upang makapagsimula sa iyong mga virtual tour sa buong mundo.
Kung nahihiwagaan ka kung paano nagbago ang iyong kapitbahayan sa paglipas ng panahon, bibigyan ka ngayon ng Google Earth ng access sa nakaraan. Sa simpleng pag-click, suriin ang kalatagan ng paligid ng lungsod, natutunaw na mga ice cap, pagguho ng lupa sa baybayin, at higit pa.
Sa bagong layer ng karagatan, maaari kang sumisid hanggang sa sahig ng dagat, tingnan ang eksklusibong nilalaman mula sa mga kasosyo tulad ng BBC at National Geographic, at galugarin ang 3D ng mga labi ng lumubog na barko tulad ng Titanic.
Higit pang pakinabangan ang mga placemark at mag-record ng paglilibot sa Google Earth sa kahit na anong paraan. I-on lamang ang tampok ng paglilibot, pindutin ang i-record, at tingnan ang mundo. Maaari ka ring magdagdag ng soundtrack o pagsasalaysay upang i-personalize ang paglalakbay.
Gamitin ang iyong mouse, keyboard o trackball upang i-navigate ang mundo. Kunin ang larawan gamit ang iyong mouse upang makapag-ikot-ikot. Pinapayagan ka ng compass na pang-navigate na manipulahin ang tanaw sa maraming paraan.
Galawin ang kanang slider pataas at pababa upang mag-zoom in at out. Galawin ang itaas na slider pakaliwa at pakanan upang ikiling ang tanaw. Upang pihitin ang larawan, paikutin ang wheel sa screen ng taga-navigate.
Kung naghahanap ka man ng isang partikular na address, panulukan ng dalawang kalye, lungsod, estado, zip code, o bansa, i-type lamang ang mga ito sa "Lumipad Sa" na kahon at pindutin ang Hanapin.
Hanggang ngayon, pinapayagan ka ng Google Earth na mag-zoom in mula sa kalawakan upang tingnan ang ating planeta. Sa bagong tampok na Sky ng Earth, maaari mong paikutin ang tanaw na iyon at galugarin ang mga hiwaga ng kalangitan.
Tingnan ang mga larawan ng malalayong galaxy at nebula mula sa Hubble Space Telescope, malaman ang tungkol sa paggalaw ng mga planeta at ang siklo ng buhay ng mga bituin, at marami pang iba. Matuto nang higit pa tungkol sa Sky.
Isinama ng mga tampok ng Google Earth ang paghahanap ng Google Maps na hinahayaan kang maghanap ng mga negosyo sa anumang lugar.
Halimbawa i-type ang "mga hotel sa Maynila" sa kahon ng paghahanap at pindutin ang pindutang hanapin. Dadalhin ka ng Google Earth sa isang pananaw na nagpapakita ng 10 mga icon ng resulta ng paghahanap sa mapa. Makikita ang mga link ng resulta ng paghahanap sa kaliwang panel. Mag-click sa icon upang makakuha ng mga karagdagang detalye tungkol sa negosyo.
Sa pamamagitan ng Google Earth, maaari mong tingnan ang mga 3D na gusali mula sa lupa pataas sa maraming lugar sa buong mundo. Ikiling ang screen upang makita ang mga gusali sa 3D. Kapareho nito, ang lupain ay naka-mapa rin sa 3D, na nangangahulugang iyong makikita nang napakalinaw ang mga bundok, lambak at kanyon.
Kapag gumagalugad ng lokasyon, maaari mong buksan ang iba't ibang layer ng impormasyon sa pagmamapa tulad ng mga kalsada, pamilihan at mga serbisyo, mga tampok ng heograpiya, mga 3D na gusali, gas, at pagkain at tirahan, bukod sa iba pa.
Mag-click sa anumang mga icon, at makakakita ka ng bulang may karagdagang impormasyon ukol sa lugar na iyon.
Pinapayagan ka ng Google Earth na i-print, i-save at i-email ang iyong mga larawan/pagtanaw. Halimbawa, kung nais mong i-email ang isang bagay na gusto ng isang kaibigan, maaari mo itong ipadala bilang isang placemark na maaaring mabuksan sa Google Earth.
Maaari mo ring i-email ang iyong tanaw bilang isang regular na larawang JPG o mag-email ng mga direksyon sa pagmamaneho bilang mga file ng Google Earth.
©2010 Google - Google Home - Patakaran sa Privacy - Mga Tuntunin ng Serbisyo
